عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
پهرتوکا پیرۆز
- عیسا ل بەیت عەنیا دهێتە چەوركرن:
- 1
- ژ بەری جەژنا دەربازبوونێ ب شەش رۆژان عیسا هاتە بەیت عەنیا، باژێرێ لەعازەری ئەوێ ژ ناڤ مریان راكرییەڤە.
- 2
- بۆ وی سفرەكا شیڤێ هاتە دانان، و مەرتایێ دەست ب خزمەتێ كر، و لەعازەر ئێك ژ پالدایان بوو دگەل وی.
- 3
- و مەریەمێ منەك (ئانكو ئێك ژ سێ چوارێكێن لیترێ) ژ گولاڤا ناردینا خۆمالی یا بها گران هەلگرت و پێن عیسای پێ روین كرن و ب پرچا خۆ زوها كرن، و مال تژی بێهنا خۆش بوو.
- 4
- ئێكی ژ شاگردان گۆت، ئەو ژی یەهودایێ ئەسخەریوتی بوو، ئەوێ دا بێبەختیێ ل عیسای كەت:
- 5
- «بۆچی ئەڤ گولاڤە نەهاتە فرۆتن ب سێ سەد دیناران ل سەر هەژاران بهێتە بەلاڤەكرن؟»
- 6
- و ئەڤە نەگۆت كو ئەوێ دلوڤان بوو ل سەر هەژاران بەلێ چنكو ئەو دز بوو. ئەو خەزنەدار بوو و ئەوا كرنە تێدا ددزی.
- 7
- عیسای بەرسڤا وی دا: «بهێلە: ئەوێ ئەڤ گولاڤە یا ل نك خۆ راكری بۆ رۆژا ڤەشارتنا من.
- 8
- چنكو هەژار ل هەمی دەمان ل نك هەوە هەنە، بەلێ ئەز هەر ل نك هەوە نابم.»
- 9
- و گەلەك ژ جوهیان زانی ئەو یێ ل وێرێ، ئەڤجا هاتن نە بەس دا عیسای ب تنێ ببینن بەلكو دا لەعازەرێ ژ ناڤ مریان راكری ژی ببینن.
- 10
- سەرۆكێن كاهنان بریار دا لەعازەری ژی بكوژن،
- 11
- چنكو گەلەك ژ جوهیان ژ بەر وی ئەو دهێلان و باوەری ب عیسای دئینا.
- عیسا ب سەركەفتی دچیتە ئورشەلیمێ:
- 12
- و ل رۆژا پاشتر، ئەو جەماوەرێ زۆر هاتییە جەژنێ گوهـ لێ بوو كو عیسا دێ هێتە ئورشەلیم.
- 13
- ئەوان چقێن دار قەسپێ هەلگرتن و دەركەفتنە پێشوازیا وی و كرنە هەوار: «
هۆسانا! پیرۆز بیت ئەوێ ب ناڤێ خودانی هاتی![a]
ئەو پاشایێ ئیسرائیلێیە!» - 14
- عیسای جانەكەرەك دیت و لێ سیار بوو، هەروەكو هاتییە نڤیسین:
- 15
- «
ئەی كچا سەهیون نەترسە، پاشایێ تە یێ بەرەڤ تە ڤە دهێت ل جانەكەرەكی سیارە.»[b] - 16
- و شاگردێن عیسای ل پێشیێ نەزانین كو ئەڤە تەمامەتیا پێغەمبەراتیێیە، بەلێ دەمێ عیسا هاتییە مەزنكرن، هاتە بیرا وان كو پەرتوكێ ئەڤ تشتە یێ ل سەر گۆتی و وان ژ بەر وی ئەڤ تشتە كر.
- 17
- ئەو كوما دگەل وی دەمێ گازی لەعازەری كر ژ گۆڕی و ژ ناڤ مریان راكری، شاهدەی بۆ وی ب وێ چەندێ ددا.
- 18
- و ژ بەر وێ چەندێ كوم دەركەفتن بۆ پێشوازیا وی، چنكو وان گوهـ لێ بوو كو وی ئەو نیشان یا كری.
- 19
- ئینا فەریسیان گۆتە ئێكودوو: «هەوە دیت چەوا چ مفا نە گەهشتە هەوە؟ ئەها ئەڤە هەمی جیهان ب دویڤ وی كەفت!»
- عیسا پێشبنیێ ب مرنا خۆ دكەت:
- 20
- و ژ ناڤبەرا وان ئەوێن هاتینە ئورشەلیم بۆ پەرستنێ د جەژنێ دا هندەك یونانی بوون.
- 21
- ئینا چوونە نك فیلیپوسی، و ئەو ژ بەیت سایدایە ل دەڤەرا جەلیل، و گۆتنێ: «ئەز خولام، مە دڤێت ئەم عیسای ببینین.»
- 22
- ئەڤجا فیلیپوس هات و گۆتە ئەندراوسی، پاشی پێكڤە چوون و گۆتنە عیسای.
- 23
- عیسای گۆتە وانا: «دەمژمێرا مەزنكرنا كوڕێ مرۆڤ یا نێزیك بووی.
- 24
- ب راستی ب راستی ئەز دبێژمە هەوە كو دندكا گەنمی دێ یا ب تنێ بیت ئەگەر نەكەفتە ئەردی و بمریت، بەلێ ئەگەر مر، دێ گەلەك دندكان دەت.
- 25
- هەچیێ خۆ ب ژیانا خۆ ڤە بگریت، دێ ژ دەست چیت، و ئەگەر حەز ژێ نەكەت ل ڤێ جیهانێ، دێ بۆ ژیانا هەروهەر هەلگریت.
- 26
- هەچیێ خزمەتا من بكەت بلا ل دویڤ من بهێت، و جهێ ئەز لێ دێ خولامێ من ژی لێ بیت. و هەر كەسەكێ خزمەتا من بكەت دێ بابێ من رێزا وی گریت.
- 27
- نوكە مەعدێ من یێ تێك چووییە. ئەڤجا ئەز چ بێژم؟ ”ئەی باب، من ژ وێ دەمژمێرێ قورتال كە“؟ نە! ژ بەر ڤێ دەمژمێرێ ئەز یێ هاتیم.
- 28
- ئەی باب، ناڤێ خۆ مەزن بكە!» پاشی دەنگەك ژ ئەسمانان بەرسڤ دا: «من یێ مەزن كری و دێ مەزن كەم ژی.»
- 29
- هندەك ئامادەبوویان ئەوێن دەنگ گوهـ لێ بووی گۆتن: «ئەڤە دەنگێ بریسییە!» بەلێ هندەكێن دی گۆتن: «فریشتەكێ دگەل ئاخفتی.»
- 30
- عیسای بەرسڤ دا: «ئەڤ دەنگە نە ژ بەر من بوو بەلێ ژ بەر هەوە بوو.
- 31
- نوكە دەمێ دادكرنێیە ل سەر جیهانێ، نوكە دێ میرێ ڤێ جیهانێ هێتە دەرئێخستن بۆ ژ دەرڤە.
- 32
- بەلێ دەمێ ئەز ژ ئەردی دهێمە بلند كرن دێ هەمی مرۆڤان دگەل خۆ راكێشم.»
- 33
- ئەڤە گۆت نیشانا وێ رەنگێ مرنێ ئەوا دێ پێ مریت.
- 34
- ئەڤجا ئامادەبوویان گۆتن: «دەستوری یا نیشا مە دای كو مەسیح دێ مینتە ساخ هەتاهەتایێ، پا چەوا تۆ دبێژی كو كوڕێ مرۆڤ پێدڤییە بهێتە هەلاویستن؟ ئەو كییە كوڕێ مرۆڤ؟»
- 35
- عیسای گۆتە وان: «روناهی دێ دگەل هەوە مینیت بۆ دەمەكێ كورت. ئەڤجا هەتا هەوە روناهی هەیە د بەردەوام بن ل سەر چوونا خۆ، نە كو تاری ب سەر هەوە دا بهێت. ئەوێ ل تاریێ دچیت نزانیت دێ كیڤە چیت.
- 36
- هەتا هەوە روناهی هەیە باوەریێ ب روناهیێ بینن دا ببنە كوڕێن روناهیێ.» و پشتی عیسای ئەڤ چەندە گۆتی چوو و خۆ ژ وان ڤەشارت.
- بەردەوامیا جوهیان ل سەر بێ باوەریا وان:
- 37
- و دگەل هندێ كو وی گەلەك نیشان ل بەرامبەری وان كرن، باوەری ب وی نەئینا،
- 38
- داكو گۆتنا ئەشعیا پێغەمبەری تەمام بیت: «
ئەی خودان كێ باوەری ب ئاخفتنا مە ئینا؟ و بۆ كێ دەستێ خودانی دیار بوو؟»[c] - 39
- ئەو نەشیان باوەریێ بینن، چنكو ئەشعیای هەروەسا گۆت:
- 40
«چاڤێن وان كۆرە كرن و دلێن وان رەق كرن، دا روناهیێ ب چاڤێن خۆ نەبینن و ب دلێن خۆ تێ نەگەهن و پەشێمان ببن دا وان ساخ كەم.»[d]- 41
- ئەشعیای ئەڤ چەندە گۆت دەمێ مەزناهیا خودانی دیتی و ل سەر ئاخفت.
- 42
- و دگەل هندێ گەلەك ژ سەرۆكێن جوهیان ژی باوەری ب عیسای ئینا، بێی كو باوەریا خۆ دیار بكەن، داكو ژ جڤاتا كنیشتێ نەهێنە دەرئێخستن،
- 43
- چنكو مەزناهیا ژ مرۆڤان دهێت ب سەر وێ دئێخن ئەوا ژ نك خودێ دهێت.
عیسا بێباوەران هشدار دكەت: - 44
- عیسای ب دەنگەكێ بلند گۆت: «هەر كەسێ باوەریێ ب من بینیت، ئەو باوەریێ ب من نائینیت ب تنێ بەلێ ب وی ژی ئەوێ ئەز هنارتیم.
- 45
- و هەچیێ ئەز دیتیم، ئەوی دبینیت یێ ئەز هنارتیم.
- 46
- ئەزم روناهیا هاتییە جیهانێ، داكو هەچیێ باوەریێ ب من بینیت د تاریێ دا نەمینیت.
- 47
- و ئەگەر ئێكی گوهـ ل گۆتنا من بوو و كار پێ نەكر، ئەز وی داد ناكەم، چنكو ئەز نەهاتیمە دا دادكرنێ ل سەر جیهانێ بكەم، بەلێ دا جیهانێ قورتال كەم.
- 48
- ئەو كەسێ ئەز نەڤێم و گۆتنا من نەوەرگریت، ئەوی ئێك یێ هەی وی داد بكەت: ئەو پەیڤا من گۆتی، ئەو دێ دادكرنێ ل سەر كەتن ل رۆژا دوماهیێ.
- 49
- چنكو من چ ژ نك خۆ نە گۆتییە، بەلێ ئەو بابێ ئەز هنارتیم ئەزێ فەرمان كریم كا چ بێژم.
- 50
- و ئەز دزانم كو فەرمانا وی ژیانا هەروهەرە. ئەڤجا ئەو ئاخفتنا ئەز دبێژم، ئەز وەسا دبێژم هەروەكو بابی گۆتییە من.»
