عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
پهرتوکا پیرۆز
- عیسا داخوازیا شاگردێن پێشەنگ دكەت
- 1
- رۆژەكێ عیسا ل بەر لێڤا دەریایا جەنیسارتێ یێ راوەستیای بوو، خەلك ژ بۆ گوهدانا پەیڤا خودێ ل دورێن وی خڕڤەبوون.
- 2
- چاڤێن وی ب دوو قاییكان ل بەر لێڤا گۆلێ كەفتن، ماسیگران هێلابوون و تورێن خۆ دشویشتن.
- 3
- عیسا ل ئێك ژ وان قاییكان سوار بوو، ئەو ژی یا شەمعونی بوو، و داخواز ژ شەمعونی كر كو پیچەك ژ دێمی دویر بئێخیت، پاشی روینشت و هەر د قاییكێ دا دەست ب فێركرنا خەلكی كر.
- 4
- دەمێ ئاخفتنێن خۆ ب دوماهی ئیناین، گۆتە شەمعونی: «بهاژو جهێ كویر و تورێن خۆ بۆ نێچیرێ بهاڤێژن.»
- 5
- ئینا شەمعونی بەرسڤا وی دا: «هێژا، مە ب درێژیا شەڤێ هەمیێ بزاڤ كر و مە چ ماسی نەگرتن، لێ ژ بەر پەیڤا تە ئەز دێ تورێ هاڤێژم.»
- 6
- دەمێ تور هاڤێتی گەلەك ماسی گرتن، تاكو تورا وان ژ ماسیان دڕیای.
- 7
- ئەڤجا گازی هەڤپشكێن خۆ یێن دی ئەوێن د قاییكا دی دا كرن، داكو بهێن و هاریكاریا وان بكەن. ئینا هاتن و هەردوو قاییك تژی ماسی كرن، و ژ گرانیا ماسیان چ نەما بوو قاییك بن ئاڤ بن،
- 8
- لێ دەمێ شەمعونی ئەڤ تشتە دیتی، خۆ هاڤێتە بەر پێن عیسای و گۆت: «خودان، ژ من دویر بكەڤە، چنكو ئەز مرۆڤەكێ گونەهكارم.»
- 9
- گوهشینێ ئەو هەمی مرۆڤێن دی ئەوێن دگەل وان گرتن، ژ بەر وێ نێچیرا ماسیان یا هندە گەلەك مەزن.
- 10
- هەروەسا گوهشینێ یەعقوب و یوحەننا كوڕێن زەبەدی هەڤپشكێن شەمعونی ژی گرتن، ئینا عیسای گۆتە شەمعونی: «نەترسە ژ ڤێ گاڤێ پێڤە تۆ دێ بییە نێچیرڤانێ مرۆڤان.»
- 11
- پشتی هەردوو قاییك ڤەگەڕاندینە دێمی، هەمی تشت هێلان و كەفتنە دویڤ عیسای.
- عیسا زەلامێ لەش گۆڕی ساخ دكەت
- 12
- جارەكێ عیسا ل باژێرەكی بوو، مرۆڤەك لێ هەبوو لەشێ وی هەمیێ گۆڕی بوو، دەمێ عیسا دیتی خۆ دەڤ و دەڤ هاڤێتە ئەردی و هیڤی ژێ كرن و گۆت: «خودان! ئەگەر تە بڤێت تۆ دشێی من پاقژ كەی.»
- 13
- عیسای دەست هاڤێتە وی نەساخی و گۆت: «من دڤێت - پاقژ ببە.» و د جهـ دا گۆڕیاتی ژێ چوو
- 14
- و شیرەت لێ كرن و گۆت: «نەبێژە كەسێ، بەلكو هەرە و خۆ نیشا كاهنی بدە و پێش ساخبوونا خۆ ڤە یا موسای فەرماندای پێشكێش بكە، داكو بۆ وان ببیتە شاهدە.»
- 15
- لێ ناڤودەنگێن عیسای پتر بەلاڤ بوون و گەهشتە هندێ، كو خەلكەكێ زۆر بهێنە نك داكو گوهێ خۆ بدەنێ و ل سەر دەستێ وی ژ نەساخیێن خۆ ساخ ببن.
- 16
- لێ هندی عیسا بوو خۆ ڤەدكێشا جهێن ڤەدەر و نڤێژدكرن.
- عیسا مرۆڤەكێ فالنجی ساخ دكەت
- 17
- رۆژەكێ عیسای فێركرن دكر، و ل وێرێ فەریسی و مامۆستایێن دەستوری، ئەوێن ژ هەمی گوندێن جەلیل و یەهودیایێ و ئورشەلیمێ هاتین دروینشتیبوون. هێزا خودانی بۆ ساخكرنێ دگەل وی بوو.
- 18
- وی دەمی هندەك مرۆڤان فالنجیەك ل سەر نڤینان هەلگرتبوو، ئەوان بزاڤ دكر ببەنە ژۆر و داننە بەر عیسای.
- 19
- دەمێ ژ بەر بوشاتیێ ئەو نەشیاین بچنە ژۆر، برە سەربانی و هندەك قەرمید راكرن و ب نڤین ڤە داهێلا نیڤا مالێ، ل بەرسينگێ عیسای.
- 20
- دەمێ عیسای باوەریا وان دیتی، گۆت: «مرۆڤ، ل گونەهێن تە هاتە بورین.»
- 21
- ئینا فەریسیان و مامۆستایێن دەستوری دەستپێ كر د دلێ خۆ دا گۆتن: «ئەڤە كییە ئاخفتنێن ب گونەهـ دكەت؛ كی دشێت ل گونەهان ببوریت ئەگەر خودێ نەبیت؟»
- 22
- لێ عیسای زانی ئەو هزرێ د چ دا دكەن، ئەڤجا بەرسڤا وان دا: «هوین چ هزرا د دلێ خۆ دا دكەن؟
- 23
- كیژ ب ساناهیترە، ئەگەر بێژم: ”ل گونەهێن تە هاتە بورین،“ یان بێژم: ”رابە و ب رێڤە هەرە!“؟
- 24
- لێ من ئەو تشت گۆت دا هوین بزانن كو كوڕێ مرۆڤ ل سەر ئەردی دەستهەلاتا لێبورینا گونەهان هەیە» و گۆتە ئەوێ فالنجی: «دبێژمە تە نڤینێن خۆ هەلگرە و هەڕە مالا خۆ.»
- 25
- و د جهـ دا ل پێش چاڤێن وان رابوو و نڤینێن خۆ راكرن و پەسنا خودێ دكر و چوو مالا خۆ.
- 26
- هەمی سەهمگرتی بوون و خودێ مەزن كر و پڕ بوون ژ ترسێ و گۆتن: «ئەڤرۆ مە تشتێن حنێر دیتن.»
- عیسا لاوی داخواز دكەت
- 27
- پشتی هنگی دەركەفت و باجگرەك ديت دگۆتنێ لاوی، د جهێ باج وەرگرتنێ دا یێ روینشتی بوو، عیسای گۆتێ: «ب دویڤ من بكەڤە.»
- 28
- ئەوی هەمی تشت ب جهـ هێلان و كەفتە دویڤ وی.
- 29
- پاشی لاوی مێڤانداریەكا مەزن بۆ وی ل مالا خۆ دانا، و گەلەك مرۆڤ و باجگرێن دی دگەل وان دروینشتی بوون.
- 30
- مامۆستایێن دەستوری و فەریسیان نەرازیبوونا خۆ بەرامبەری شاگردێن عیسای دیاركر و گۆتن: «بۆچی هوین دگەل باجگر و گونەهكاران دخون و ڤەدخون؟»
- 31
- ئینا عیسای بەرسڤا وان دا و گۆت: «مرۆڤێن ساخلەم پێدڤی نوژداریێ نینن، بەلكو مرۆڤێن نەساخ.
- 32
- ئەز نە هاتیمە گازی مرۆڤێن راست بكەم، لێ گازی یێن گونەهكار بكەم دا ل خۆ بزڤرن.»
- دانوستاندن دەربارەی رۆژیان
- 33
- ئەڤجا گۆتنێ: «شاگردێن یوحەننای و فەریسی گەلەك رۆژیان دگرن و نڤێژان دكەن، لێ شاگردێن تە دخون و ڤەدخون.»
- 34
- عیسای بەرسڤا وان دا و گۆت: «ما هوین دشێن ل داوەتێ وەل كەس و كارێن زاڤای بكەن، كو هێشتا زاڤا د ناڤ وان دا ب رۆژی بن؟
- 35
- لێ رۆژ دێ هێن زاڤا دێ ژ ناڤ وان هێتە راكرن، ئەو هنگی دێ رۆژیان گرن.»
- 36
- هەروەسا نموونەیەكا دی بۆ وان ئینا «كەسەك نینە پاتەكی ژ كراسەكێ نوی ڤەكەت داكو كراسەكێ كەڤن پێ پنی بكەت، ئەڤە هوسا دێ كراسێ نوی دڕینیت و ئەو پاتێ ژ كراسێ نوی ڤەكری ب كێر كراسێ كەڤن ناهێت.
- 37
- كەس ژی مەیا نوی ناكەتە د مەشكا كەڤن دا، چنكو مەیا نوی دێ مەشكا كەڤن پەقینیت، و مەشك دێ پویچ بیت و مەی دێ هێتە رشتن.
- 38
- لێ دڤێت مەیا نوی بكەنە د مەشكێن نوی دا.
- 39
- و كەسەك نینە مەیا كەڤن ڤەخوت و دلێ وی بچیتە مەیا نوی، چنكو دێ بێژیت ”یا كەڤن خۆشترە.“»
