عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
پهرتوکا پیرۆز
- خۆ ئاشكراكرن
- 1
- پشتی شەش رۆژان، عیسای پەتروس، یەعقوب و برایێ وی یوحەننە دگەل خۆ برن و ب تنێ ب سەر چیایەكێ بلند كەفتن.
- 2
- ئەو لبەر چاڤێن وان هاتە گوهورین، دێمێ وی وەك رۆژێ ڕون بوو، جلكێن وی وەك روناهیێ سپی بوون،
- 3
- و ژ نشكەكێ ڤە بۆ وان دیار بوو، موسا و ئیلیا یێ دگەل عیسای دئاخڤن.
- 4
- پەتروسی گۆتە عیسای: «خودان، گەلەك باشە ئەم ل ڤێرێ؛ ئێدی ئەگەر تە بڤێت، ئەز دێ سێ كەپران چێكەم: ئێك بۆ تە، ئێك بۆ موسای و ئێك بۆ ئیلیای.»
- 5
- دەمێ ئەو هێشتا دئاخفت، عەورەكێ گەش ب سەر وان دا هات و دەنگەك ژ عەوری هات و گۆت: «ئەڤە كوڕێ منێ خۆشتڤییە، ئەز گەلەك پێ دل خۆشم. گوهێ خۆ بدەنێ!»
- 6
- و دەمێ شاگردان گوهـ ل وی دەنگی بووی، كەفتنە سەردەڤێ خۆ و گەلەك ترسیان،
- 7
- بەلێ عیسا نێزیكی وان بوو و دەستێ خۆ كرێ و گۆت: «رابن؛ نەترسن.»
- 8
- وان سەرێن خۆ بلندكرن، ژبلی عیسای كەس نەدیت.
- 9
- دەمێ ئەو ژ چیای هاتینە خوار عیسای ب فەرمان گۆتێ: «نەبێژنە كەسێ كا هەوە چ دیت، هەتا كوڕێ مرۆڤ ژ ناڤ مریان رانەبیت.»
- 10
- شاگردان ژێ پرسین: «ئەرێ پا بۆچی مامۆستایێن دەستوری دبێژن پێدڤییە ئیلیا بەراهیكێ بهێتن؟»
- 11
- عیسای بەرسڤا وان دا و گۆت: «راستە، ئیلیا دێ بەراهیێ هێت و هەمی تشتان دروستكەتە ڤە؛
- 12
- بەلێ ئەز دبێژمە هەوە: ئیلیایێ هاتی و وان نەنیاسی، بەلێ وان چ تشتێ ڤیای دگەل كر. هەروەسا كوڕێ مرۆڤ ژی ل سەر دەستێن وان دێ هێتە ئێشاندن.»
- 13
- و وێ گاڤێ شاگرد تێگەهشتن، كو وی بۆ وان بەحسێ یوحەننایێ تافیركەر دكر. \s عیسا زارۆكەكێ تەبەوی ساخ دكەت
- 14
- دەمێ ئەو گەهشتینە نك جەماوەری، زەلامەك هاتە نك عیسای و كەفتە سەر چوكێن خۆ
- 15
- و گۆت: «خودان، دلوڤانیێ ب كوڕێ من ببە، چنكو یێ تەبەوییە و گەلەك نەخۆشیێ دبەت و گەلەك جاران دكەڤیتە د ناڤ ئاگری یان ئاڤێ دا.
- 16
- و من ئینا بۆ نك شاگردێن تە، بەلێ ئەو نەشیان وی ساخكەن.»
- 17
- عیسای بەرسڤ دا و گۆت: «ئەی نفشێ بێ باوەر و خوار، هەتا كەنگی دگەل هەوە بم؟ هەتا كەنگی دێ دگەل هەوە یێ بێهن فرەهـ بم؟ بینە ڤێرێ.»
- 18
- عیسای ل جنی حەیتاند، ئینا ژ لەشێ كوڕكی دەركەفت و د وێ گاڤێ دا ساخبوو.
- 19
- ئینا شاگردە ب تنێ هاتنە نك عیسای و ژێ پرسین: «بۆچی ئەم نەشیاین وی جنی بكەینە دەر؟»
- 20
- بەرسڤا وان دا: «ژ كێم باوەریا هەوەیە. ب راستی ئەز دبێژمە هەوە: ئەگەر هەوە باوەری هندی دندكەكا خەردەلێ هەبیت، دێ بێژنە ڤی چیای: ”ژ ڤێرێ هەرە وێراهە،“ دێ چیت. چ تشت ل بەر هەوە ئاسێ نابن.
- 21
- بەلێ ئەڤ رەنگێ گیانێن پیس ناچنە دەر ئەگەر ب نڤێژ و رۆژیان نەبیت.»
- 22
- دەمێ ئەو پێكڤە ل جەلیل دگەڕیان، عیسای گۆتە شاگردێن خۆ: «چ نەمایە، كوڕێ مرۆڤ دێ دەنە دەستێ خەلكی؛
- 23
- دێ كوژن و رۆژا سیێ دێ رابیتەڤە.» ئینا گەلەك بخەم كەفتن.
- باجا پەرستگەهێ
- 24
- پشتی عیسا و شاگردێن وی گەهشتینە كەفەرناحوم، باجگر هاتنە نك پەتروسی و گۆتنێ: «ئەرێ ما مامۆستایێ هەوە باجا دوو دەرهەمی (یا پەرستگەهێ) نادەت؟»
- 25
- پەتروسی بەرسڤ دا: «بەلێ.» دەمێ پەتروس هاتییە د خانی ڤە، ئێكسەر عیسا ژێ پرسی: «تۆ چ دبێژی شەمعون: پاشایێن ئەردی ژ كێ باجێ یان خویكی وەردگرن؟ ژ كوڕێن خۆ یان ژ بیانیان؟»
- 26
- پەتروسی بەرسڤ دا: «ژ بیانیان» عیسای گۆتێ: «پا كوڕ ژێ دئازادن.
- 27
- بەلێ داكو ئەم وان دلگران نەكەین، هەرە گۆلێ و شوكا نێچیرێ بهاڤێ و ئێكەمین ماسی یا دەردكەڤیت بگرە و دەڤێ وێ ڤەكە؛ دێ چوار دەرهەمان بینی. ببە و باجێ ب پێش من و خۆ ڤە بدە.»
