عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
پهرتوکا پیرۆز
- عیسا مرۆڤەكی ژ سپیبوونا لەشی ساخ دكەت
- 1
- دەمێ ژ چیای هاتییە خوارێ، خەلكەكێ زۆر ب دویڤ كەفتن
- 2
- و مرۆڤەكێ ب سپیبوونا لەشی نەخۆش هاتە نك و كەتە سەر چوكان و گۆت: «ئەی خودان، ئەگەر تە بڤێت، تۆ دشێی من پاقژ بكەی!»
- 3
- وی دەستێ خۆ درێژكرێ و دەست كرێ و گۆت: «من دڤێت، پاقژ بە!» و ئێكسەر ئەو ژ نەخۆشیا خۆ پاقژ بوو.
- 4
- و عیسای گۆتێ: «هشیار بە بۆ كەسێ نەبێژی! بەلێ هەرە و خۆ نیشا كاهنی بدە و وی سەری يێ موسای فەرمان پێ دای پێشكێش بكە و ئەڤە دێ بۆ وان بیتە شاهدەی.»
- ساخكرنا خولامێ سەرلەشكەرێ سەد زەلامان
- 5
- و دەمێ عیسا چوویە كەفەرناحوم، سەرلەشكەرێ سەد زەلامان هاتە نك وی و هیڤی ژێكرن و گۆت:
- 6
- «ئەی خودان! خولامێ منێ گووجە و یێ ل مال ل ناڤ نڤینان؛ ژ ئێشان دنالیت.»
- 7
- عیسای گۆتێ: «دێ چم ساخكەم!»
- 8
- سەرلەشكەری بەرسڤ دا و گۆتێ: «ئەی خودان ئەز نە یێ هەژیمە تۆ بێیە مالا من؛ هەما بەس پەیڤەكێ بێژە و دێ خولامێ من ساخ بیت،
- 9
- چنكو ئەز بخو ژی یێ ل ژێر دەستهەلاتێ و من سەربازێ ل ژێر دەستهەلاتیا خۆ هەین، دێ بێژمە ئێكی: هەرە! دێ چیت و ئێكێ دی: وەرە! دێ هێت و دبێژمە خولامێ خۆ: ڤێ بكە! دێ كەت.»
- 10
- دەمێ عیسای گوهـ لێ بووی، حێبەتی بوو و گۆتە وان یێن ل دویڤ وی هاتین: «ئەز راستیێ بۆ هەوە دبێژم: من كەسەك ژ ئیسرائیلیان ب باوەریەكا هندە مەزن نەدیتییە!
- 11
- و دبێژمە هەوە، كو دێ گەلەك ژ رۆژهەلات و رۆژئاڤای ڤە هێن و دێ دگەل ئیبراهیمی و ئیسحاقی و یەعقوبی ل ناڤ پاشاتیا ئەسمانان ل سەر سفرێ روینن،
- 12
- بەلێ دێ كوڕێن پاشاتیێ بۆ تاریا ژ دەرڤە هێنە هاڤێتن؛ ل وێرێ دێ گری و چیرچیرا ددانان لێ هەبیت.»
- 13
- و پاشی عیسای گۆتە سەرلەشكەرێ سەد زەلامان: «هەرە وەكو تە باوەری پێ ئینای بلا ببیت!» و ل وێ گاڤێ خولامێ وی ساخ بوو. \s ساخبوونا خەسیا پەتروسی
- 14
- دەمێ عیسا هاتییە مالا پەتروسی، خەسیا وی یا تاگرتی ل ناڤ نڤینان دیت.
- 15
- وی دەستێ خۆ كرە دەستێ وێ؛ تا ژێ چوو و رابوو و خزمەتا وی كر.
- 16
- دەمێ بوویە ئێڤار، خەلكی گەلەك ئەوێن جنگرتی ئینانە نك و وی ئەو گیان ژ ناڤ وان ب پەیڤەكێ دەرئێخستن و هەمی نەخۆش ساخكرن،
- 17
- دا ئەوا ل سەر زمانێ ئەشعیا پێغەمبەر هاتی تەمام بیت دەمێ گۆتی:
وی دەردێن مە بخو برن
و نەخۆشیێن مە راكرن. - بهایێ ل دویڤچوونا عیسای
- 18
- دەمێ عیسای خەلكەكێ زۆر ل دورماندوری خۆ دیتی، وی فەرمان دا شاگردێن خۆ؛ كو پێكڤە دەربازی لایێ دی یێ گۆلێ ببن،
- 19
- هنگی مامۆستایەكێ دەستوری هاتە نك و گۆت: «مامۆستا، تۆ كیڤە بچی دێ ل دویڤ تە هێم!»
- 20
- و عیسای گۆتێ: «رویڤیا كون رویڤیێن هەین و چویچكێن ئەسمانی هێلینێن هەین، بەلێ كوڕێ مرۆڤ چ جهـ نینن سەرێ خۆ لێ بدانیت.»
- 21
- شاگردەكێ دی گۆتێ: «ئەی خودان، بهێلە ل پێشیێ ئەز بچم و بابێ خۆ ڤەشێرم!»
- 22
- بەلێ عیسای گۆتێ: «ب دویڤ من بكەڤە و بهێلە مری مریێن خۆ بڤەشێرن.»
- عیسا رەشەبای بێدەنگ دكەت
- 23
- پاشی ئەو ل قاییكێ سیار بوو و شاگردێن وی كەفتنە دویڤ.
- 24
- و ژ نشكەكێ ڤە رەشەبایەكێ ب هێز ل سەر گۆلێ ڤە چوو، ئەڤجا پێلێن ئاڤێ ب سەر قاییكێ كەفتن و چ نەما بوو دا نقو بیت، بەلێ ئەوێ نڤستی بوو.
- 25
- شاگرد چوون و ئەو هشیاركر و گۆتن: «خودان، مە قورتال بكە! ئەمێ دخەندقین!»
- 26
- وی بەرسڤ دا: «كێم باوەرینوو، بۆچی هوین هوسا دترسن؟» پاش رابوو با و پێلێن دەریایێ پاشڤە برن و ئارامیەكا مەزن پەیدا بوو.
- 27
- هەمی گوهشین و پرسیاركرن: «ئەرێ ئەڤە چ جورێ مرۆڤانە، هەتا با و پێلێن دەریایێ ژی پێ دكەن؟» \s ساخكرنا دوو مرۆڤێن جنگرتی
- 28
- دەمێ ئەو گەهشتییە لایێ دیێ دەڤەرا جەدریان، دوو مرۆڤێن جنگرتی ژ ناڤ گۆڕستانێ هاتنە بەرسینگی؛ ئەو گەلەك دژوار بوون، كو كەس نەدشیا د وێرێ را بچیت
- 29
- و كرنە گازی و گۆت: «تە چ ژ مە دڤێت عیسایێ كوڕێ خودێ؟ ئەرێ تۆ بەری دەمێ دەستنیشانكری هاتی دا مە ئازار بدەی؟»
- 30
- پیچەك دویر ژ وان، گارانەكا مەزنا بەڕازان دچەرین.
- 31
- گیانێن پیس هیڤی ژ عیسای دكرن و گۆتنێ: «ئەگەر دێ مە دەرئێخی، مە فرێكە ناڤ گارانا بەڕازان.»
- 32
- وی گۆتە وان: «هەرن»؛ ئەڤجا ئەو دەركەفتن و چوونە ناڤ بەڕازان و بەڕاز ب لەز رەڤین و ل سەر لێڤا كەندالەكی كەفتنە ناڤ گۆلێ و خەندقین.
- 33
- گاڤان رەڤین و چوونە باژێری و نوچێن وێ رویدانێ و ئەوێن جنگرتی گەهاندن
- 34
- و پاشی هەمی خەلكێ باژێری دەركەفتن؛ دا عیسای ببینن و دەمێ وان ئەو دیتی، وان هیڤی ژێ كر، كو دەڤەرا وان ب جهـ بهێلیت.
